HE REIGNS/HE'S IN CONTROL(Contd)

Min tirhna report Hotute hnenah ka pe.
Annin an rel chu L*lpa 'aw' a ni.

Hotute pawh hi ka chungah an va han tha tak e aw !

Tupawh mai hi an va tha em.

Ka fing ema,ka fel em a ni lo,

L*lpa zawk hi ka hmaah a kal char chara,

Chuvang zawk a ni.

Hotute thuawiha awm te hi a van nuam em.

A thuawih,thuzawm hi a va han nuam em aw.
A kawng erawh a har ngei thin a.
A na ngei, a chang chuan.
Mahse min pek thin lunghlu-te hian
Harsatnate hi a hliah zo em thin zawk a ni.

Min va han duat em L*lpa hian.

Hotute pawh hian min va han duat em .

Ngatinge L*lpa,tunge maw ka nih le?

Engkim a fel zel dawn.

L*lpa nghaktute chu engtikah mah an mualpho lovang.

L*lpa nghaktute erawh chuan an chakna chu

An siamtha leh anga,mupuite angin

Thla in an thlawk chho vanga;

Hah lovin an tlan anga,chau lovin

Ke in an kal ang.

A thu hi a thleng dik zel mai dawn.

Aw,ring mai thin ila chu aw.
A thu Bu ah a in ziak vek
Kan tana a tiamte,an va tam em.

Kan ta sa, min pek sa hlir ,lak mai a ni si.
Mahse rethei rilru pu tlatin kan awm si,
L*lpaa duhawm,mawi,a Fa duat kan nih hi hriain,
Nung ila chu aw..

L*lpa chu a rinawm em,

Rinawm tura min duh ang hian rinawm ila chu aw..

A rinawmzia chu sawi rual a ni lo.

Engkim a tifel vek.

Zin chak em emna hmun pakhat ka neia,

Shangrila ah.
' Lost Horizon' James Hilton a lehkhabu 2002 ah ka chhiar
A ngaihnawm em em,min hip hle mai.
Shangrila Monastery,mysterious tak chungchang a ni.


2005 ah Yunnan,Chinaah a awm tih ka hria.
Tun tumah thian 1 ka sawm kal turin,
Mahse a lo duh lo.
Mahse thian dang 2, L*lpan min lo pe zawk reng.
Ka ngaihtuah aia tha A lo ruat reng .
L*lpa I van fel tak em.



Jenis B leh John F.
Mahse pawisa ka nei tawh lo.
Jenis lo inphal em em,dil pawh dil hmain
I duh phawt chuan a ti.
A chungah ka lawm em em,
Duh zah zah ka puk ta nih kha :)
A ni awm lo se, ka zin thei lovang,
Heta haw chhohna pawh ka nei lawng.
Thank You,Thiannu,ka lawm chiang :)
A ni hnen atangin thil tam tak ka zir,
Ka zinpui ka van lawm em.


John F pawh a van fel chiang,
Mi zawng zawng tilawm thiam
Mi zawng zawng ngainat ka unaupa,
Ka Fanai pui ngei :)
A nunah zir tur ka hmu hnem em em.
Ka thiante pahnih hi an va hlu em.
Ka kal chakna hmun 2 ,Lijiang leh Shangrila
L*lpan min kal tir,ka van lawm.
Kalpui tur thian duhawm pahnih nen lam.
An pahnih vangin L*lpa ka lawm e.
Malsawmnain an pahnihin vur ang che.

Lijiang chu a van nuam em

There was something in the air,
Specially at the Old City,
Specially at night
With the Chinese lights - hong deng,
Hanging down along with the willowy branches
Of the trees,
Softly glowing , mysteriously , swaying ...
With the cool breeze.
The gentle flowing of the brook
Softly added to the music of the night ..

Were I a Fairy,

Would have granted John's desire
To be there with a girlfriend!
He could feel the the romance in the air,

The music of the night..
But he could not be romantic, alone :))

Poor John , huh ,

or is it
Poor Jenis and I ? [heheh]

As for me,the Legend of Shangrila pulled me
To look towards Shangrila City.

Legend ang chu lo ni hauh lo mai,
Mahse legend hi chu a ni kher ngai hran lo,
Chuvanga Legend tih lawm le.
Min hipna a ngai reng,hip rei tawh bawka :)

A hmun a mawiin,a bul vel ram a van mawi em.

Tlang khawkrawk,hla tak atanga langte,
Lui mawi em em te, pangpar mawi em em te,

Ka en kham thei lo,ka mit a tlai ngei
Ka thlir nileng peih reng mai.

Jo leh Caroline chungah ka van lawm em.
L*lpan mal min sawm a duh a,
Hmanrua atan a lo ruat reng.
Ka thinlungin a chakzawng min petu atan.
Hot Pot ka ei chak em em :)mahse a remchang thei lo.
Jo an naktukah lunch kan ei ho dawnnia a ti.
Min hruai taa,Hot Pot kan ei dawn a ti ta !
Ka van lawm em em, tui ka van ti chiang !
L*lpa hnenah lawmthu ka sawi.
Dil pawh ka la dil hman si lo.

Kan dil hma pawn kan mamawh A hria.

Coffee kan in nasa em em,Indian tea ka van chak em ka ti.

Caroline dinner eiah min sawm.
Dessert atan ka tui tih zawng,
Chocolate fudge cake leh Indian tea ngei min pe!
WOW , a van mak thei ve aw !


Chu mai la ni lo.
Ka duhthlum lova,thlum lo in ti mai thei a ti.
Keipawh,ka duhthlum lo.
Thingpui thlum lutuk ka enjoy thei lo.
Kan in chhina,ka duh ang thlap !

L*lpa hian every last detail thleng hian
A tifel thin.
Ka theihzia hi en teh min ti ni tlatin ka hria.
Caro ka hrilh,He loves you so much, a ti.
So true,He loves us all so much.

An Lodge nuam em em maiah min thlentir,
Ka van enjoy chiang.
Cement in ding thet thut,cold rel rul a ni lo.
Thing in ngei,ka lo dream ve thin ang,
Cozy,warm,homely,
Thlen man an duh lo !
L*lpan malsawmnain vur let rawh se.

An project a pui,lian tham em em,
An ngaihsan awm e.
L*lpan thuamin,vengin,hlawhtlinna pe rawh se.

Bai Xue Tai kan va ennaah
Lunch ei zawhah allergy ka nei thut,
Ka van hlau chiang,ka la hre ngai si lo.
Ka taksa a bawl thut,thak vak mai.
Mahse L*lpan a nasat lutuk a phal lo.
Min veng tlat.

Chaw ei apianga huat nei lova
Tui ti taka ka ei thinte
A lo hlutzia min hmuhtir,
Lawmthu sawina tur a tam ngei e.
Lunghlu ka dawng reng mai a ni.

Lijianga eitur ka lo sawi theihnghilh,kan ei ngam,in thei dawn em ni?

STIR FRY THE SON DISH

MISCELLANEOUS SAUCE FACE

THREE FRESH FACE

COFFEE BEER

WHISKY JUICE

HAHAHAAA!!!

Lijianga cycling kha van nuam chiang.
Ka thiam lutuk loh vangin ka dawih mai pawh a.

Stone Forest a van mawi em!
Mi thenkhatin a ho an ti,eng vak a ni lo an ti.
Mahse kal hma atangin mawi ka tiin
Ka ngaihlu dawn tih ka hre tlat.
Mihring siam chawp ni lo,natural thil hi
Ka ngaihsan ber thil an ni.
Ka rin ang ngeiin ka mit a tlai,ka kham lo.
Awmrei ka duh tehlul nen,last bus a kal tep si.
Chinese ho in an lo dah chawp engemaw lai pawh a awm ang


Mahse khang lung mak,khawkrawk,rapthla pui puite kha
An siam a ni lo.
Siamtu L*lpa a ni.
Kan P*thian thilsiam hian min hip thin.
Mawi,dangdai,mak,rapthlak deuh rohte hian
An hnung lama anmahni Siamtu P*thian hi
Ka hmuh vang a lo ni.


2006 a Jiuzhaigou kan kal paw'n,
Busin tlang chhipah min daha,kan hawi thla chu
Dil mawi em em,paw ruih mai,
Tlang leh tlang inkara lo awm ruih mai ka hmu chu..
It just took my breath away .
Kan tawng ngeiin sawi thiam ka va chak ve
' Ka thaw ka hip let ' a mi ? heheh, a ho angreng .
Mawi ka ti lutuka,ka thinlunga ka sawi chu:
"Awi,L*lpa,a mawi lutuk !
Hetiang mawi lutuk siamtu hi ka P*thian i ni si.
I va han ropui em,I va han thiam em.
ka van vannei em " tih hi a ni.

Stone Forest pawh hi ka en kham thei lo.
Hmun sang deuh atangin kan en,a va han mawi em aw.


Minorities Village hmuhnawm /interesting zia chu.
A bul vel mawi bawk si.
Kalna apiang a nuam em em,
Ka van enjoy em.
Chawlh loh lai chuan theihtawkin ka ti ve.
Ka tih a tam lo,
Chhuan tur a awm lo.
Mahse L*lpan rinawma min duhnaah
Amah vang tho in ka rinawm thin.
Kan enjoy hi a phal chiang.
Hrehawma rethei ringawt turin min ko lo,
Amah ,a thilsiam mawi em em tea enjoy tur kan ni.
Ka van lawm em.
A thuawih,thu zawm, A va ngaihlu em!

China minorities ho nen kan va inang ve aw..
An tlangvalte nen pawh thla kan la,
Kan headhunting hunlai
An an deuh roh duh hmel ka ti,
An Paa tlats..heheh.
Wa minority ho lam a dangdai chiang.
An drummer a paa chiang,
Thla ka lakpui hman lo,
Pity.. :)
Minority ho hi ka connect tlat nih chu.

Miao minority thung chu
Biak In an lo nei,
Mak ka ti hle,ka rilru a khawih.
An duh chuan an minority puite
Hnenah Chanchin Tha an hrilh thei.
Phalna an nei ! Ropui ka ti .

An Biak Inah kan lut.
Hmeichhe pakhatin piano lo tum.
Silent Night !
Ka va zaipui, a hun leh hun lo
Pawh ngai chuang lo
An sak thiam a nih chuan ,ho ee..
Qiyangah pawh khan zan kan walk-in
Silent Night tho an saa,
Ka sakpui ve mai.
Sap hla an thiam lar a ni tlat hetah.
Very cute..

Lanzhou haw a hun,thlawh hun a tlai ngei.
Hma deuh a awm si lo.Kan in ka thlen hun
Zing dar 1 vel a ni tlat.
L*Lpa min ven loh chuan ka ti,
Hmuaktu ka nei don silo.

Mahse min vengtu chu L*lpa a ni.
ka thutpui pa a va fel si em.
Chhiar tur min pe,light min on sak,
Luh ,chhuah dawnin a tho a,min kian zel.
Ei tur min laksak,a bawm ruak a la leh bawk :)
A mak ee !!

Tunge engkim control le ?


Lanzhou airportah ka bag lo chhuah tlai ka hlau,
Bus chan loh ka hlau,a tlai tawh si.
Ka tt, ka bag chu a hmasa berah a lo chhuak !
Ka lo hmu lo, a lo kir leh tan tawh,ka um vak:)


Kan tawngtai chhanna hi kan miss fo em le ?


Lanzhou a bus thlen tawp na atangin
Taxiin darkar chanve kal a la ngai leh.
Zing dar 1 in ka thleng.
Ka bag,kg 20 kan awmna chhawng 7 naah ka keng
Zo dawn lo,ka thiante phone turin
Ka phone-ah pawisa awm si lo.


Driver chuan kan thlenin ka bag chu a khai nghal a,
Khawnge lift a tia,kan nei lo ka ti.
Chhawng engzahnaah nge i awm a ti leh a,ka hrilh.
Min ena,car ka va khar tha nge tia,a va ti mawlh mawlha,
A lo kir a,a khai nghal.
Kan in kawngkhar bulah min dah.
A mak chiang, Ka nui ringawt.


Engkimin an awih thin, hla in a lo ti.
Ka P*thian, L*lpa,he rama min tirtu
Siam an ni.


" I am He who will sustain you,
I have made you and I will carry you;
I will sustain you and I will rescue you "

A lo ti reng alawm,L*lpa ka lawm e.

An polite lo ka ti a,ka ngei fo.
Mahse an va polite in,min va tanpui nasa ta si ve le.

L*lpan a control alawm.An chunga thuneitu a ni alawm.

HE REIGNS, HE IS IN CONTROL.THE EARTH IS HIS.

[ La zawm zel ang ]

HE REIGNS/HE'S IN CONTROL(Contd)

He Reigns / He's in Control zawm zelna a la ni a,mahse ka tihdan ka thlak.Ka thiante Blog leh ka Blog chu a in nalh hleih hle mai,ka zak deuha.Ka la thiam tawk lo si.Mahse a rei lovang :) Computer ka nei tep ,hehheh.

Ka thinlunga liam ka ziaka ka Journalah.Ta mi chu a ni e.A sei dawn a nia,mahse a la zo hauh chuang lo.Tihtawp luih rih a ngai.

"L*lpa, ka va lawm em,Nangmahah hian,
Ka thinlungah hian a liama
Ka dawng seng love.
Khawvelin min pek theih lawmna leh hlimna te ka dawng thina,
Nawmna te pawh.I zar vek chu an ni.
Mahse I hnen atanga lo thleng erawh hi chu a va dang em,
Lungngaih,tah,duh anga thil a thlen loh pawhin
Nangmaha hlimna thuruk,lawmna a awm tawh si.
Khawvelin a hrethiam lo
Ka sawifiah zo thiam bawk si lo
Mahse ka thinlung chhungah hian a awm si.
Tunah I malsawmna a luang liam mek.
Engatinge ka ti, ka hrethiam lo.
Ka fel chuang si lo.


A hma kum 2-a ka harsatna te a nat nen.
Tap leh rumin,khawharin,chauvin,hun ka hmang.
'Ka tling lo a ni e,L*lpa' ka tihte,
'He rama awm hi ka tlak lo a ni e' ka tihte kha i hre vek ,
Keimaha bal leh thenfai ngai a tam em a lo ni.
He ram mite tidanglam turin keimahah tan a lo ngai si.
Pe chhawng tura thu min pekte zirtir hmasak ka lo ngai a ni,
ka hriat loh pui,ka neih loh pui chu engtinnge ka pek ang le ?

Hmangaihna min pek chhuahtir I duh,
Mahse ka pek hma in ,I hmangaihna
Unconditional Love - chu ka zir hmasak a lo tul.
Ka chunga tha te chung chauh ni lo
Ka beisei ang ka hmuhna te chauh ni lo
Tha lo ni a ka hriatte
Hmangaih ka zir a lo tul hmasa.
L*lpa, a va han har tak em.
Mahse khengbettute malsawmtu kha I ni.
A lo va na em I kaltlang.

Peace - I ti.
Eng ang pawha awma,peace nei tlat turin ka zir a lo tul leh.
( Ka sawi detail theilo,a ve tam em)

Patience - I ti.
Ka zir nan dawhtheih har ka tih em emna hmunah te awm a tul leh thin.
Tap chunga I ke bula ka bawhthlawp thinte kha aw.

Ka chunga I dawhtheihzia hi aww !
A va tam em,ka sawi seng love.

Ka tahna siam thin thilte,
Engatinge ,L*lpa ka tih ngawih ngawih thinte-
I hmangaihna a lo ni reng !
Zirtir tlakah min lo ruat !
Peng rah lote sahthlakna a lo ni!
Rah chhuah tur neiah min ngaih vang a lo ni daih !
Tihthianghlim tlakah min ngai a lo ni reng !
A va mak em,L*lpa
A va hlu si em !
Min buatsaihna a lo ni reng !
A hunlai khan ka hmu thiamlo,ka tlin lo.
Ka thlir thui thiam lo,Nang angin.
Nang chuan chatuan mitin I lo thlir
Keiin 'tun' te mai hi.
Ka te em a ni.
Mahse ka tetzia ka hmuh poh leh
I mitah ka hlu zual bawk si.
Harsatna te chu -

' Twas sent to lift you - not to crush' He said.
I saw at once my great mistake.
My place was not beneath the load
But on the top ! He meant it not
That I should carry it.He sent
It here to carry me !
O paradox of heaven.The load
I think will crush was sent to lift me
Up to G*d ! Then, soul of mine,
Climb up !!

Khang lai khan -
Press on - min ti.
Hold on a little while longer - min ti .
Walk by faith,not by sight - min ti
Be faithful in the little things - min ti
Trust in me with all your heart - min ti
Do not fear,for I am with you:Do not be
Dismayed,for I am thy G*d.I will strengthen
you and help you.I will uphold you with my
Righteous right hand - min ti

Heng lo pawh hi lunghlu - treasures - min va pe hnem em,sawi sen a ni lo.
With honey from the rock I would satisfy you- min ti.
Lung atangin khawizu a chhuak thei em ni ?
Lung atanga khawizu-a min titlai theitu
L*Lpa P*thian -
I nihna dik tak hi ka mihring finna hian
A chhuichhuak zo lo, a sawichhuak zo lo,
Mihring tawng hian a zo lo che.


Kum 2 a lo ral ta.'Engtinnge niang L*lpa ka awm zel dawn?'ka ti.
Lo thleng chu -
Wait for the L*rd,
and keep His way
He will exalt you to inherit the land - I ti leh
Be still before the L*rd and wait patiently for Him- I ti
Wait for the L*rd
Be strong and take heart
Wait for the L*rd - I ti
Those who trust in Him will never be put to shame - I ti


I thutiamte hi a rintlak si,ka dawng seng lo heng pawh.
Chet ka duh,tihfel ka duh
Hotute phone ka va duh em.
Visa a tawp tep ania,thil tihfel a va hun em.
Vawi khat phone-a fel mai tur.
Mahse ' Min nghak rawh' I ti tlat sia.
Ka che ngam si lo.
I thiltihtheihzia leh lalzia,thuneihzia,
A them min hmuhtir tawh.
I tithei tih ka hria.
Mahse nghah hi a va han har em..
Ti thei emaw in tih a va awl em.
Kan phe buaia,kan phili a.
Kan hriatloh em vang a ni.

Hahchawlhna min pe,lungkham reng a awm lo.
Harsatna a bo a ni lo,
Thil a fel duak duak a ni lo,
Buaina a awm lo a ni lo,
Hrehawmna a kiang duak chuang lo,
A va la tam em !
Mahse chung karah chuan
Peace chu, chawlhna chu, lungawina chu
Nangmahah ka nei a ni zawk.
Your peace is within my heart.
Find rest O my soul in Ch*ist alone.
A va nuam si em.

He khawvela mi nen a inang lo
I hnen atanga lo chhuak hlimna chu,chawlhna chu,lungawina chu,
Lungkham a awm lo,a phi li lo,
Engkim hi I va han ti thei em.
Enge ka lo buai ang le?
L*Lpa,nangmaha chawlh chu a va hlu em aw.
Hrehawm lai paw'n ka thinlung chhung hi a chawl si.
Harsatna atangin min lak bo min tiam lo,
Kaltlang turin alawm min tih zawk.
Chu chu ka chhel nan,
Rawh thianghlim ka lo nih nan.
Harsatna chhungah min hmuak zawk.
Sadrak,Mesak,Abednego te,
Meipui an pumpelh lo, an kaltlanga,a chhungah an lut.
A chhungah ngei chuan alawm I lo hmuah zawk.

Pumpelh ka dil lo che,
Luhchilh turin min kal tir rawh.
Luhchilh ngam tura huaisenna ka dil zawk che ".

L*lpa a che dawn tih ka beisei ru reng,
Hotute a rawn chet tir ta,
Province danga hna en turin.
La kal ngailohna a ni,ka huphurh ru hle.
Qiyang khua chu Changsha tangin darkar 3 busin kal a la ngai.
Bus Station awmna leh a kal hun engmah a chiang thei lo.
Timing hre mumal lovin ka kal tawp.

Engkim risk a lak ni si, an va in man nalh si em aw.
Kunming atanga kal mai tum ka thulh leh thin.
L*lpan thiannu Jenis i min lo nghahtir a lo ni daih a nih chu !
A student 1 Hunan a mi awm,min phone sak.
Vawi tam tak biak hnuah ka kalna tur khua chiaha mi a lo ni reng !
Coincidence ? Ni lovang, L*lpan a ruatfel zawk a ni.
Thian ka nei ta, a thiante nen min lo hmuak.

Ka va hmuh turten mi 10 vel laiin min lo hmuak an hmu chu an nui tawp.
Thil eiah tlangval thenkhatin min sawm,Cheryl thian te an ni.
Enge i duh kan hre lo va,
RULSA kan lo order an ti.
Ka phu chiang a sin,in ti polite in ka ei lui ngam lo.
A nih leh an tia,an va order tha leh.
VAWK BENG, hahaha.Sa pangngai pawh ei tlem nak alaiin.
Tlem ka seh vel,heheheh.

"Thil danga engemaw vanga thinlung hrehawmin ka awm.
Mahse ka thinlung zing rawn tieng turin
I hmanrua chu nausen thla 6 mi.
A pa malchunga awm chungin ka banah a lu a nghat lui tlat !
Min ena min nuih ver ver reng mai a nih chu.
Hmanrua I va han ngah tak em L*Lpa.I thuhnuaiah an awm vek a nih hi.
Ka nuna i rawn inrawlh duhna te hi an va te em,
Min care zia hi aww .


Thil engkimah hian ka hmu che.A nuam ka ti.
Ka mi hmuhturte lah ka chungah an va han tha em .
An duhzawng tak tur hlir mai ka ka atangin I chhuahtir.
Mahniin hotel room lian takah ka awm,
I Lehkhabu,ka kalna apianga ka ken thin ka hmu zo lo.
Ka thla a muang thei lo.
Mahse, Nang nge I Lehkhabu, tih a lo lut.
Nangmah zawk le, min tihtir.
A tukah ka hmu leh si.
Mahse zir tur min zirtir zawh hnuah chauh a ni.
Ka nui, I mak ee, L*lpa.
Pawisa ka lo nei hauh lo mai le.
Mahse min host tute an va fel em.
Kan in hmu chauha,min interview deuh roh tute chu
pawisa te ka dil ta.

Mahse min pe kha an lawm zawk emaw tihturin an awm.
A van nuam em L*lpa ,Nang nena thil tih dun hi.
Haw lam pawh timing chiang chuang lo
Mahse engkim a fel zel si.
Bus te khan min lo nghak ni tlatin ka hria.
Bus conductorte kha ka lakah an va polite em aw.
Hotute thuawiha awm,
L*Lpa thuzawma awm tlat, a va han nuam em.
A lo kal hmasa vek alawm,chuvang a nih hi,engkim a fel zel.
Heti ema min ngaihtuah mai hi
L*lpa tunge maw ka nih le ?

L*lpaa ka lawm em ema, ka mittui a tlak lai mekin
Thinlung nat sawkna a lo thleng,
Ka inring hman lo.
Ka lawmnate chu pawhthlak sawk ang anni.
Min tina thintu pangngai a lo thleng leh,kawng dangin.
Ka NU,ka hmangaih,min hmangaih tu'n min hnem,
'Ma-te, L*lpan a hre tawh che,
Hei pawh hi a hria.
I hlimna a sang ema,
Hei hi A venna che a ni lo maw ?' min ti.
Aw ka Nu,ka tan i va han hlu em.
P*thian thu a min chawm seiliantu
I fanu ka ni hi ka vannei ka ti.
Ka Nu i lo ni hi ka van lawm em.

I mi enkawlna avangin vawin hi ka thleng a ni si.
Ka nau nen Setana hlauhna kan neih laia,min hualhimna-
' Setana hlau turin ka fa te hi ka hring lo che u' ti a Setana
I hauhna ri te ka bengah a cham reng.
Kan thinlunga Setana min bumna,hlauhna hau reh vek thei khawpa
L*lpaa huaisen,chak i ni.
Ka thlarau Nu i ni.
Ka ngaihlu che, Ka hmangaih che.
Nang ang Nu, L*lpa tih tu hi an tam lawng e.

Ka PA awm ve se aw.
Kan hnena a awm laia a bula ka titi keuh keuh thin ang khan
Ka hrilh ve tur.
I bula awm nuam ka tih tehlul thin nen,min kalsan ta si.
Mi tan eng a ni lo mai thei ka PA kha,
Mahse ka tan chuan a va han hlu em.
Ka tan ui reng a nei ngai lo.
Keini a fate nawm loh hlauin
Ka nu nena hah taka an thawchhuah sa pawh
An pahnih nawm nan an hmang phal lo.

Ka U nen,kan 3 a kan zina,hotel nuam taka kan thlena I nuam ti hmelte
Ka mitthlaah a la cham asin.
Ka zina i duhzawng tak, cowboy lukhum ka hawn thin che a,
I lawm thin zia,mahse tlawmngai taka,
'A ngai lo sin , Ma te ' i ti ri te ka bengah a cham reng dawn.
I kal ta si.

I thlan ka atchilh laite kha aw.
Inrinni apiangin pangpar ka khawi thina,
Ka phiahfai hliau thinte.
Pangpar mawi i tihzawngte ka phuna,an nun duhziate,
An par duhziate kha aw.

Khatiang khan ka ti rei thei dawn lo tih hre miah lovin,
L*Lpa min kohna na tak chhangin ka la kal bo dawn
Tih hre miah lovin , ka lo duat i thlan, nangmah i awm tawh si lo.
L*lpan a lo hmu lawk veka,
Hun min lo pe a lo ni nia.
L*lpa, I ngaihtuahte hi a va thui em aw !
Nakinah,kan la in hmu ang,chu chuan chhelna min pe".

[ Chhunzawm tur ]

HE REIGNS / HE'S IN CONTROL

Saptawng telh lova tih tum ka nia, mahse telh zeuh zeuh a ngai dawn tlat.Mizo zinga sap vak hi ka duh lem lova,mahse hnam dang zingah chuan ka sap ve raih tho :)

Thla khat aia rei mah ka zinkuala,rin aiin a lo chauh theih.Ka zinkualna lam chanchin ngawr ngawr ziah ka tum lova. Pt rinawmna leh thuneihna leh min enkawl zia tihlan ka tum zawk chu a ni.Chu chu keimaha ka zinna leh thiante nena zinnaah khan a lang nasa em em.Ka ziah tur hi ziah mawi lam ni lovin,Pt hnena ka ziah ang a ni a, personal deuh laite pawh a awm mai thei.

This is more like giving honour and praise to Him in whose eyes I am precious and beautiful,and is more like declaring my joy in Him.Remember, Scr*pture says ' The joy of the L*rd is my strength '.

1) Chiang Mai Conference 8th July to 15th July : Kan synod hotute hian keimahni chungchangah hian thawhpui pawl pahnih a neia,tuna conference hi pakhat zawk nei buatsaih a ni.Lanzhou, ni 4 ah Mahruaii nen relin kan chhuahsana.Ni 3 vel rela chuang turin kan inringa,ei turte chu kan keng nual mai ! Kan bawr lemlo,mahse kan rit angreng [heheh] .Mahse Chengdu ah rel ticket kan chang ta tlat lova,thlawhna in Kunming kan pan ta zawka.Ei tur kan keng hnem angreng sia,kan thlawk leh daih bawk sia,Airport velah chuan kan in khai ta hnawk hnawka,a zahthlak em em loh :)

Kan Conference hi a hlu ka ti hle.China-ah kum 2 leh chanve vel ka awma,Pt in min zirtir rawn nemnghehna duhawm tak tak hlir a ni ka ti.Ka sawi seng lo a ni.Engkim,w*rship a hla sak,tu thusawi pawh,thil zawngzawng ten ka thinlung a en tlang a ni.Ka thinlungah hian a lut zawih zawih a ni mai.Ka dawng seng lo, a liamin a liam.Kunming ka lo let lehin chinese character-a ziah , 'My cup overflows' tih ka hmu a,ka lei chiang hle :)

Chinese zir ka ni bawka,ka intithiam ve deuh bawka,ka tawng vela,B*ble te ka chhiara.Kan International hotupa (US) a lawm hle.A ni hi thusawitu ber a nia,a fapate 2 leh w*rship hruaitute nupa nen an lo kal a ni.A fapa upa zawk hi a la naupang hle a,22 yrs ,mahse a share ropui thei em em.Ka thinlunga awm,heta ka awma Pt in min lo zirtir rawn sawi chat chat mai,hriatlohte pawh.A mak ka ti em em.Kan inkawmngeih phah hle.Zan khat nei and friends

Dinner kan neia.Tah hian vai hla ka saa,partner 1 zawk sim a kan Hotute nupa ( Canadian) te an lo lawm hle a.An Pa zawkin Lagaan film hi ka duh lutuka,khata zai kha i ang min ti [heheh.]

Nei Int'nl Hotupa chuan CD i siam em min ti thung :) Aizawlah lo kal ula ka ti e,an tam lutuk zaithiam,keite chu ka zai ngam lo ka ti a.Ka inngaitlawm emaw an ti tlat.Bakah Chinese zia a nia,ka thiamlo,engmah ka ni lo tih vel ang chi hi.Chinaah i awm rei tawh lutuk a nih kha,anmahni angin i inngaitlawm vel an pafa in min ti tlat.A tawpah chuan zaithiam ang chiahin ka va lawm ve te ka ti ta mai.


Conference hian kan partnerte pahnih nena kan inkar nasa takin a ti thuk lehzuala,a nuam ka ti em em.Kan inpawhna a tha lehzuala,'kan chhuang tawp che u ' min ti a.'A tir kha chuan seed, chi , tereuhte ang in ni a,mahse tunah chuan a lo par, a lo rah tana,a ropui kan ti' an ti.Kan smb leh kan ram hming a tha hle.Synod anga Chinaa thawktu thawn hmasak ber kan nih pawh ropui an ti a ni.Hemi chungchang hi sawi tur a la tam mai,mahse duhtawk phawt.

2) Qiyang, Hunan Province : -ah hian smb hotuten hna thawh tur a awm tih chungchang va enfiah turin min ti a. July 22 ah Chiang Mai tangin Kunmingah ka haw chhoa.July 26th ah Qiyangah hian ka va kal a ni.La kal ngai miah lohna a ni si a,mahnia kal ka huphurh angreng hle.Mahse kan Hotuten an tih anga thuawih a tul si.Sawi zawm zel hmain hna chungchang kan sawi daih lawk.

June khan kan zirlai semester hi a tawp chiaha,Aug 31 ah visa a tawp dwn si,hnathawh tur ngaituah a ngai ta a.Mahse ka thinlungah hna zawn a lang thei tlat lo.Ka'n tt a, Pt thu lo thleng chu ' Min nghak rawh' tih a ni tlat.Hun a tlem tawh si,hmanhmawh a na hle.Chutiang huna nghah chu a har chiang a ni.Lo tih mai ka duh,mahse ka ti thei chuang lo, ka awm tawp mai ani.Chutih laiin Conference tur khan min rawn ko a ni.Engmah la tifel si lova han zin daih chu ka ti. Mahse ka tt leh paw'n a ngai reng . Amah nghaktute an mualpho lovang tih a ni reng bawk si.

Chiang Mai kal dawn khan " L*lpa hei kan Conference dawn I hriaa,awmdan tur engmah la fel loh pawh I hre vek.Ka kal tawp dawna,ka zinkual dawn bawka,ka enjoy dawn.Ka lo buai in awmzia a awmlo,I duh ang takin I ti dawna,nghak rawh I tih angin ka awm tawp.Nghah chhung che hi ka enjoy dawn " ka ti. Ka zinkual taa,ka haw leh chiaha hei.Ka kal velna reng rengah min enkawla min venga,ka thinlunga ka chakzawng chenin min pe.

Qiyang ka kal pawh engkim hi a lo tifel lawk ni berin ka hria.Airport atangin Bus Station,from Bus Station to Qiyang ,engkim a timing a in man nalh em em vek,riska lak vek ni si.A mak tawp.Ka va hmuhte chu ONLY International Education tih an lo ni a.An lo lian em em maia,Chinaah English Language Centre 100 dawn nei an lo ni.An Hotu 2 awm lai a lo ni hlauha,ka thlen zan hian kan inkawm nghal a.An fel em em maia,an inhawng hle.Chinaa foreign teacher in an hmuh/dawn ang chu in dawng ang an ti a,an lo ngaituah loh thil ka sawi pawn kan ngaihtuah ang an ti zel.

Thla tina hlawh tur chungchang pawh a tha hle maia,sing fe a ni.Mahse sum tam lam Pt in min kalsan tir tawha,helam chu attractive viau mah se a um theih chuang loh.Anni hian min duh der em em maia,thawk nghal turin min sawm nasa hle.Mahse Pt plan enge tih a pawimawh ber si a.Smb lam hotute hnenah engkim report pek hnuin annin an duh ang takin rel rawh se ka ti a.Zir zawm an rawn ti ta a,ka lawm hle.Zir zawm chuan reach out na tur hun remchang tha a tam zawk vang a ni.Enge nakum lamah Pt plan ka hre loa,thawh pawh chu a ni mai thie.Kan Hotuten engpawh rawn rel se ka chak vek tho.Teaching chu ka tui em em tho a,tawng zir nuam ka ti em em tho bawk si,a tha vel vek a ni.