Tuesday, August 21, 2007

HE REIGNS/HE'S IN CONTROL(Contd)

Min tirhna report Hotute hnenah ka pe.
Annin an rel chu L*lpa 'aw' a ni.

Hotute pawh hi ka chungah an va han tha tak e aw !
Tupawh mai hi an va tha em.
Ka fing ema,ka fel em a ni lo,
L*lpa zawk hi ka hmaah a kal char chara,
Chuvang zawk a ni.

Hotute thuawiha awm te hi a van nuam em.
A thuawih,thuzawm hi a va han nuam em aw.
A kawng erawh a har ngei thin a.
A na ngei, a chang chuan.
Mahse min pek thin lunghlu-te hian
Harsatnate hi a hliah zo em thin zawk a ni.
Min va han duat em L*lpa hian.
Hotute pawh hian min va han duat em .

Ngatinge L*lpa,tunge maw ka nih le?

Engkim a fel zel dawn.
L*lpa nghaktute chu engtikah mah an mualpho lovang.
L*lpa nghaktute erawh chuan an chakna chu
An siamtha leh anga,mupuite angin
Thla in an thlawk chho vanga;
Hah lovin an tlan anga,chau lovin
Ke in an kal ang.
A thu hi a thleng dik zel mai dawn.
Aw,ring mai thin ila chu aw.
A thu Bu ah a in ziak vek
Kan tana a tiamte,an va tam em.
Kan ta sa, min pek sa hlir ,lak mai a ni si.
Mahse rethei rilru pu tlatin kan awm si,
L*lpaa duhawm,mawi,a Fa duat kan nih hi hriain,
Nung ila chu aw..
L*lpa chu a rinawm em,
Rinawm tura min duh ang hian rinawm ila chu aw..
A rinawmzia chu sawi rual a ni lo.

Engkim a tifel vek.

Zin chak em emna hmun pakhat ka neia,

Shangrila ah.
' Lost Horizon' James Hilton a lehkhabu 2002 ah ka chhiar
A ngaihnawm em em,min hip hle mai.
Shangrila Monastery,mysterious tak chungchang a ni.


2005 ah Yunnan,Chinaah a awm tih ka hria.
Tun tumah thian 1 ka sawm kal turin,
Mahse a lo duh lo.
Mahse thian dang 2, L*lpan min lo pe zawk reng.
Ka ngaihtuah aia tha A lo ruat reng .
L*lpa I van fel tak em.



Jenis B leh John F.
Mahse pawisa ka nei tawh lo.
Jenis lo inphal em em,dil pawh dil hmain
I duh phawt chuan a ti.
A chungah ka lawm em em,
Duh zah zah ka puk ta nih kha :)
A ni awm lo se, ka zin thei lovang,
Heta haw chhohna pawh ka nei lawng.
Thank You,Thiannu,ka lawm chiang :)
A ni hnen atangin thil tam tak ka zir,
Ka zinpui ka van lawm em.


John F pawh a van fel chiang,
Mi zawng zawng tilawm thiam
Mi zawng zawng ngainat ka unaupa,

Ka Fanai pui ngei :)
A nunah zir tur ka hmu hnem em em.
Ka thiante pahnih hi an va hlu em.
Ka kal chakna hmun 2 ,Lijiang leh Shangrila
L*lpan min kal tir,ka van lawm.
Kalpui tur thian duhawm pahnih nen lam.
An pahnih vangin L*lpa ka lawm e.
Malsawmnain an pahnihin vur ang che.

Lijiang chu a van nuam em

There was something in the air,
Specially at the Old City,
Specially at night
With the Chinese lights - hong deng,
Hanging down along with the willowy branches
Of the trees,
Softly glowing , mysteriously , swaying ...
With the cool breeze.
The gentle flowing of the brook
Softly added to the music of the night ..
Were I a Fairy,
Would have granted John's desire
To be there with a girlfriend!
He could feel the the romance in the air,
The music of the night..
But he could not be romantic, alone :))
Poor John , huh ,
or is it
Poor Jenis and I ? [heheh]
As for me,the Legend of Shangrila pulled me
To look towards Shangrila City.
Legend ang chu lo ni hauh lo mai,
Mahse legend hi chu a ni kher ngai hran lo,
Chuvanga Legend tih lawm le.
Min hipna a ngai reng,hip rei tawh bawka :)

A hmun a mawiin,a bul vel ram a van mawi em.


Tlang khawkrawk,hla tak atanga langte,
Lui mawi em em te, pangpar mawi em em te,

Ka en kham thei lo,ka mit a tlai ngei
Ka thlir nileng peih reng mai.

Jo leh Caroline chungah ka van lawm em.
L*lpan mal min sawm a duh a,
Hmanrua atan a lo ruat reng.
Ka thinlungin a chakzawng min petu atan.
Hot Pot ka ei chak em em :)mahse a remchang thei lo.
Jo an naktukah lunch kan ei ho dawnnia a ti.
Min hruai taa,Hot Pot kan ei dawn a ti ta !
Ka van lawm em em, tui ka van ti chiang !
L*lpa hnenah lawmthu ka sawi.
Dil pawh ka la dil hman si lo.

Kan dil hma pawn kan mamawh A hria.

Coffee kan in nasa em em,Indian tea ka van chak em ka ti.

Caroline dinner eiah min sawm.
Dessert atan ka tui tih zawng,
Chocolate fudge cake leh Indian tea ngei min pe!
WOW , a van mak thei ve aw !


Chu mai la ni lo.
Ka duhthlum lova,thlum lo in ti mai thei a ti.
Keipawh,ka duhthlum lo.
Thingpui thlum lutuk ka enjoy thei lo.
Kan in chhina,ka duh ang thlap !

L*lpa hian every last detail thleng hian
A tifel thin.
Ka theihzia hi en teh min ti ni tlatin ka hria.
Caro ka hrilh,He loves you so much, a ti.
So true,He loves us all so much.

An Lodge nuam em em maiah min thlentir,
Ka van enjoy chiang.
Cement in ding thet thut,cold rel rul a ni lo.
Thing in ngei,ka lo dream ve thin ang,
Cozy,warm,homely,
Thlen man an duh lo !
L*lpan malsawmnain vur let rawh se.

An project a pui,lian tham em em,
An ngaihsan awm e.
L*lpan thuamin,vengin,hlawhtlinna pe rawh se.

Bai Xue Tai kan va ennaah
Lunch ei zawhah allergy ka nei thut,
Ka van hlau chiang,ka la hre ngai si lo.
Ka taksa a bawl thut,thak vak mai.
Mahse L*lpan a nasat lutuk a phal lo.
Min veng tlat.

Chaw ei apianga huat nei lova
Tui ti taka ka ei thinte
A lo hlutzia min hmuhtir,
Lawmthu sawina tur a tam ngei e.
Lunghlu ka dawng reng mai a ni.

Lijianga eitur ka lo sawi theihnghilh,kan ei ngam,in thei dawn em ni?

STIR FRY THE SON DISH

MISCELLANEOUS SAUCE FACE

THREE FRESH FACE

COFFEE BEER

WHISKY JUICE

HAHAHAAA!!!

Lijianga cycling kha van nuam chiang.
Ka thiam lutuk loh vangin ka dawih mai pawh a.

Stone Forest a van mawi em!
Mi thenkhatin a ho an ti,eng vak a ni lo an ti.
Mahse kal hma atangin mawi ka tiin
Ka ngaihlu dawn tih ka hre tlat.
Mihring siam chawp ni lo,natural thil hi
Ka ngaihsan ber thil an ni.
Ka rin ang ngeiin ka mit a tlai,ka kham lo.
Awmrei ka duh tehlul nen,last bus a kal tep si.
Chinese ho in an lo dah chawp engemaw lai pawh a awm ang


Mahse khang lung mak,khawkrawk,rapthla pui puite kha
An siam a ni lo.
Siamtu L*lpa a ni.
Kan P*thian thilsiam hian min hip thin.

Mawi,dangdai,mak,rapthlak deuh rohte hian
An hnung lama anmahni Siamtu P*thian hi
Ka hmuh vang a lo ni.


2006 a Jiuzhaigou kan kal paw'n,
Busin tlang chhipah min daha,kan hawi thla chu
Dil mawi em em,paw ruih mai,
Tlang leh tlang inkara lo awm ruih mai ka hmu chu..
It just took my breath away .
Kan tawng ngeiin sawi thiam ka va chak ve
' Ka thaw ka hip let ' a mi ? heheh, a ho angreng .
Mawi ka ti lutuka,ka thinlunga ka sawi chu:
"Awi,L*lpa,a mawi lutuk !
Hetiang mawi lutuk siamtu hi ka P*thian i ni si.
I va han ropui em,I va han thiam em.
ka van vannei em " tih hi a ni.

Stone Forest pawh hi ka en kham thei lo.
Hmun sang deuh atangin kan en,a va han mawi em aw.


Minorities Village hmuhnawm /interesting zia chu.
A bul vel mawi bawk si.
Kalna apiang a nuam em em,
Ka van enjoy em.
Chawlh loh lai chuan theihtawkin ka ti ve.
Ka tih a tam lo,
Chhuan tur a awm lo.
Mahse L*lpan rinawma min duhnaah
Amah vang tho in ka rinawm thin.
Kan enjoy hi a phal chiang.
Hrehawma rethei ringawt turin min ko lo,
Amah ,a thilsiam mawi em em tea enjoy tur kan ni.
Ka van lawm em.
A thuawih,thu zawm, A va ngaihlu em!

China minorities ho nen kan va inang ve aw..
An tlangvalte nen pawh thla kan la,
Kan headhunting hunlai
An an deuh roh duh hmel ka ti,
An Paa tlats..heheh.
Wa minority ho lam a dangdai chiang.
An drummer a paa chiang,
Thla ka lakpui hman lo,
Pity.. :)
Minority ho hi ka connect tlat nih chu.

Miao minority thung chu
Biak In an lo nei,
Mak ka ti hle,ka rilru a khawih.
An duh chuan an minority puite
Hnenah Chanchin Tha an hrilh thei.
Phalna an nei ! Ropui ka ti .

An Biak Inah kan lut.
Hmeichhe pakhatin piano lo tum.
Silent Night !
Ka va zaipui, a hun leh hun lo
Pawh ngai chuang lo
An sak thiam a nih chuan ,ho ee..
Qiyangah pawh khan zan kan walk-in
Silent Night tho an saa,
Ka sakpui ve mai.
Sap hla an thiam lar a ni tlat hetah.
Very cute..

Lanzhou haw a hun,thlawh hun a tlai ngei.
Hma deuh a awm si lo.Kan in ka thlen hun
Zing dar 1 vel a ni tlat.
L*Lpa min ven loh chuan ka ti,
Hmuaktu ka nei don silo.

Mahse min vengtu chu L*lpa a ni.
ka thutpui pa a va fel si em.
Chhiar tur min pe,light min on sak,
Luh ,chhuah dawnin a tho a,min kian zel.
Ei tur min laksak,a bawm ruak a la leh bawk :)
A mak ee !!

Tunge engkim control le ?


Lanzhou airportah ka bag lo chhuah tlai ka hlau,
Bus chan loh ka hlau,a tlai tawh si.
Ka tt, ka bag chu a hmasa berah a lo chhuak !
Ka lo hmu lo, a lo kir leh tan tawh,ka um vak:)


Kan tawngtai chhanna hi kan miss fo em le ?


Lanzhou a bus thlen tawp na atangin
Taxiin darkar chanve kal a la ngai leh.
Zing dar 1 in ka thleng.
Ka bag,kg 20 kan awmna chhawng 7 naah ka keng
Zo dawn lo,ka thiante phone turin
Ka phone-ah pawisa awm si lo.


Driver chuan kan thlenin ka bag chu a khai nghal a,
Khawnge lift a tia,kan nei lo ka ti.
Chhawng engzahnaah nge i awm a ti leh a,ka hrilh.
Min ena,car ka va khar tha nge tia,a va ti mawlh mawlha,
A lo kir a,a khai nghal.
Kan in kawngkhar bulah min dah.
A mak chiang, Ka nui ringawt.


Engkimin an awih thin, hla in a lo ti.
Ka P*thian, L*lpa,he rama min tirtu
Siam an ni.


" I am He who will sustain you,
I have made you and I will carry you;
I will sustain you and I will rescue you "

A lo ti reng alawm,L*lpa ka lawm e.

An polite lo ka ti a,ka ngei fo.
Mahse an va polite in,min va tanpui nasa ta si ve le.

L*lpan a control alawm.An chunga thuneitu a ni alawm.

HE REIGNS, HE IS IN CONTROL.THE EARTH IS HIS.

[ La zawm zel ang ]

11 comments:

Jinx said...

Eeee thiani, blog hi i siam ngei tur alo ni. I khatliam mawlh mawlh hle mai. Hetiang tur hi ani....chhiar a nuam..han ziak zel rawh :)

Sekibuhchhuak said...

Ngaihnawm hle mai :)Thil reuh te te ang nga kan ngaih,ngai a kan neih ang chi,lawmthu sawina chang kan hriat loh hi avan tam em ti raw..:)

Mahse,chumi a lawmna chang hria te chu mi awhawm an ni..:)

Tin, i poem hi nalh ka ti bon tawp..Lijiang kha chu,cham hlen nan a itawm a ni tiraw :D..girlfriend ka hmuh zawh ve hunah ka kal leh khrim khrim ang :D..

Tun kum chhunga ka hmun tlawh a nuam ka la tih ber chu,Stone Forest a kan kal kha..Very hen tebie...;):D

Sawi ta duah anih chu..:)

ChinaTreasures said...

jinx..
Khat liam chiang a nia ,hehheh.
I bolog ka nghak nia oo..I pics te ..Engtik weekend ber nge i rawn chhuk dawnaa ??

sekibuhchhuak..
Thanks,ngaihnawm i tih chuan.True.Hmu tura Amaha kan in tune in a ngai nih hi.
Heheh,i hla nih hi aw,i hmuhzawh nual kha,ahem,hruai teh,haha.Kal nawn pawi miah lo, Dali te la awm alawm.
Hmm,Stone Forest...mawi tawp.Tawp a ni mai ..:)

Biaknuna said...

Chhiar a manhla khawp mai....Mizo tawng ziak dan dik lo a awm zeuh zeuh tih mai loh chu...hahaha.... Lo hriat ve mai mai atan, kan ziak dik loh thin tlangpui ka ngaimawh thin zual chu (tam tak awm mahse)
1. Vawiin tih turah vawin emaw vawiin ni emaw kan tih deuh zel.
2. Mai mai tih turah mei mei tih an tam ta hle mai.
3. Tukin zing tih turah vawiin zing
4. Zanin tih turah vawiin zan....
Nang chu B*ble i chhiar nasa tih a lang i hmang dik tlangpui e, kan B*ble atang hian Mizotawng pawh hi thiam a lo awlsam ber mai.
Thil dang chu ka comment hrilh lo mai ang.....nidanga comment atan kan khek ang e. I thil ziah hi ka copy-a kan print ang e.

ChinaTreasures said...

Biaknunsanga
I va ti lawmawm ve,ka lawm chiang.Nia,a dik lo lai chu rawn sawi zel rawh,nang thu ziak lam thiamah:)
Ka Fan Club ho hnenah lo sem chur chur rawh o :) Ka pitar thiante ho hnenah te khan o,min TT pui nasa sia.A&T office I hria em,Chanmari.Lo pe ta che.
Ka U in Saihaa I Fan te ho hnenah I blog chu ka lo sawi darh chiam ang a tia,kan nui lawm.
Thanks a ton.Bless you.

ChinaTreasures said...
This comment has been removed by the author.
kumtluang said...

Ngaihnom kher mai,i timi don hle mai,update leh hun nghahhlelhom hle mai ,zin ve ang mai kanni alom.....btw,ni e tiro..P hi chu a tha thlot ania...

ChinaTreasures said...

sino
Ka blog i lo chhiar ve a,lawmawm hle mai.I blog pawh nalh ka ti,bikin i thlalak te kha.Nangmah ni lo maw ni te ka ti nih chu :)Ka uang lo a nia aw.
Nia, P*thian hi chu tha em mai.Kei tehlul chunga ti tak maia a tha hi a mak tawwwp a ni.

kumtluang said...

lali,no bawling!bie kai wan xiao....i pics hi nalh hlom lts,kal ve chakom hle mai...hun leh poisa neih hunah la kal ve tur ani lolzz

ChinaTreasures said...

Hey,bu shi kai wan xiao.Bawl ka thiam loo :)Mi ka fak hluah ve thiam lo,mahse ka sawi tawh chu from my heart,heheh. Tak tak nih hi auh..Thiani.

ChinaTreasures said...
This comment has been removed by the author.